საიტის მენიუ

სოციალური ქსელები

თეა ლიკლიკაძე სვანეთიდან - 100 წამი მთის ამბებზე

14:23 - 12 მაისი 2019 hits 1269

„მე-9 კლასს დაამთავრებენ თუ არა, ყველა სახლში ჯდება. ათიდან შეიძლება ერთი წავიდეს სასწავლებლად. ჩვენი სოფლიდან მხოლოდ ორმა ბავშვმა ჩააბარა უმაღლესში. თაობები წინ მიდის და ჩვენ კიდევ ვერ ვიძვრით ისე, როგორც საჭიროა. წლებია ვიბრძვით, რომ სკოლა 12 კლასიანი გახდეს და ვერ მივაღწიეთ“, - ამბობს თეა ლიკლიკაძე, მესტიის მუნიციპალიტეტის სოფელ იდლიანში მცხოვრები.

თეას 4 შვილი ჰყავს. ერთ-ერთი იდლიანის სკოლაში ცხრა კლასს წელს ამთავრებს: „მე-10 კლასს თუ გავაგრძელებთ, მაშინ, იძულებული ვარ, ხაიშში ერთი ოთახი მაინც ვიქირავო, გადავიდე ჩემი შვილებით და იქ გავაგრძელოთ სწავლა“.

იდლიანის თემში ოთხი სოფელია, სკოლა კი ერთი, ისიც ცხრაკლასიანი. მისი დამთავრების შემდეგ, სახელმწიფო ბავშვებს სწავლის გაგრძელებას ხაიშის სკოლაში სთავაზობს. ამ სოფლებიდან ხაიშამდე 13-კილომეტრიანი საშიში გზაა, რომელიც ზამთრობით კიდევ უფრო საშიში ხდება. ცხოვრების მკაცრი პირობები და გაჭირვება ოჯახებს აიძულებს, შვილების განათლებაზე უარი თქვან. იდლიანის თემი უკვე წლებია სრული საჯარო სკოლის გახსნას ითხოვს.

Mtisambebi.ge

„მთის ამბები“ დამოუკიდებელი საინფორმაციო ონლაინგამოცემაა. ვებგვერდს მართავს საინფორმაციო ცენტრების ქსელი.

ამავე რუბრიკაში

ვაკანსიები მთაში

თავში