საიტის მენიუ

სოციალური ქსელები

     

ზემო იმერეთი - რაჭის დამაკავშირებელი ახალი 51.5 კილომეტრიანი გზა გაიხსნა

13:57 - 28 სექტემბერი 2021 hits 13350

საჩხერიდან ონთან დამაკავშირებელ ახალ გზაზე ავტოტრანსპორტის მოძრაობა დღეიდან შესაძლებელია. ახალი გზით გადაადგილებისას მანძილი, რაჭასთან დამაკავშირებელ ძველ გზასთან შედარებით, 80 კმ-ით, ხოლო დრო 1,5 საათით მცირდება.

„თბილისიდან რაჭამდე სულ რაღაც სამ საათში ჩამოვალთ, რაც ძალიან კომფორტულია ჩვენი მოქალაქეებისთვის“, - განაცხადა პრემიერ-მინისტრმა ირაკლი ღარიბაშვილმა.

გზა საჩხერიდან იწყება, გაივლის სოფლებზე - სარეკი, ქვემო ხევი, უზუნთა, შქმერი, ბოყვა, კვაშხიეთი, ზუდალი და საბოლოოდ შეუერთდება ამბროლაური-ონის გზას, რომელიც ქალაქ ამბროლაურიდან დაშორებულია 20 კმ-ით, ხოლო ონიდან 5 კმ-ით.

საჩხერე-ონის ახალი გზის დიდი ნაწილი დაუსახლებულ ტყიან ზონაში, მდინარე ხეორის ხეობაში გადის და ზღვის დონიდან 1000-1500 მეტრის სიმაღლეზეა.

ახალი გზის მშენებლობა სახელმწიფო ბიუჯეტიდან დაფინანსდა და მისი ღირებულება 111 მილიონ ლარზე მეტია.

Mtisambebi.ge

„მთის ამბები“ დამოუკიდებელი საინფორმაციო ონლაინგამოცემაა. ვებგვერდს მართავს საინფორმაციო ცენტრების ქსელი.

საქართველოს ამბები

ამავე რუბრიკაში

ვაკანსიები მთაში

თავში