საიტის მენიუ

სოციალური ქსელები

     

Radisson Blu Gudauri 2018 წელს გაიხსნება

რუსული კანონი გააქრობს დამოუკიდებელ მედიას და საზოგადოებრივ ორგანიზაციებს, როგორც ეს პუტინის რუსეთში მოხდა.

როცა დაგჩაგრავენ, აღარავინ იქნება, ვინც თქვენს პრობლემას გააშუქებს და გვერდში დაგიდგებათ.

„მთის ამბები“ „ქართული ოცნების“ რუსულ განზრახვას ბოლომდე გაუწევს წინააღმდეგობას!

11:56 - 27 იანვარი 2017 hits 4880

გუდაურში სასტუმრო - Radisson Blu Gudauri 2018 წელს გაიხსნება. Radisson Blu Gudauri საერთაშორისო ბრენდის პირველი ხუთვარსკვლავიანი სასტუმრო იქნება მთის კურორტზე არამარტო საქართველოში, არამედ მთელ კავკასიაში.

150-ნომრიან  Radisson Blu Gudauri-ს მაღალი კლასის სასტუმროსთვის დამახასიათებელი ყველა აუცილებელი ინფრასტრუქტურა ექნება: რესტორნები, ბარები, საკონფერენციო დარბაზები, გასართობი ცენტრი, სპა, ღია და დახურული აუზები. სასტუმროს პროექტის შექმნაზე გერმანელი და ქართველი არქიტექტორების ჯგუფი მუშაობს. Radisson Blu Gudauri-ს მმართველი Carlson Rezidor Hotel Group-ი იქნება.

თავდაპირველი გეგმით, Radisson Blu Gudauri 100-ნომრიანი სასტუმრო უნდა ყოფილიყო, თუმცა, კურორტის პოტენციალის შეფასების შემდეგ Carlson Rezidor Hotel Group-მა უფრო დიდი სასტუმროს მშენებლობა გადაწყვიტა.

“გუდაური ძალიან კარგად განვითარებული კურორტია, შესანიშნავი გარემოთი და ჩვენ ვგეგმავთ, აქ საქმიანობა არამარტო ზამთრის სეზონისთვის, არამედ მთელი წლის განმავლობაში გავააქტიუროთ“, - განაცხადა Carlson Rezidor Hotel Group-ის ვიცე-პრეზიდენტმა დევიდ ჯენკინსმა.  

სასტუმროს მშენებლობაში 15 მლნ აშშ დოლარის ინვესტიცია განხორციელდება.

გუდაურის განვითარების გენერალური გეგმა სამთო-სათხილამურო კურორტების დამგეგმავმა ცნობილმა კანადურმა კომპანიამ - ეკოზაინმა შეიმუშავა. ეკოზაინის გეგმის თანახმად, კურორტზე აშენდება საშუალო და მაღალი კლასის სასტუმროები, აპარტოტელები, თაუნჰაუსები და ვილები, მოეწყობა დასვენებისა და გასართობი ტიპის ინფრასტრუქტურა - მაღაზიები, რესტორნები, გასართობი ცენტრები, სპორტული მოედნები, ტენისის კორტები, ყინულის მოედანი, სპა ცენტრები და კაზინო. კურორტი ასევე აღჭურვილი იქნება თანამედროვე და კომფორტული (მიწისქვეშა და მიწისზედა) ავტოსადგომებით.

Carlson Rezidor Hotel Group-ი სასტუმროს აშენებას გუდაურის გარდა ბათუმში, წინანდალსა და თბილისშიც გეგმავს.

Mtisambebi.ge

„მთის ამბები“ დამოუკიდებელი საინფორმაციო ონლაინგამოცემაა. ვებგვერდს მართავს საინფორმაციო ცენტრების ქსელი.

საქართველოს ამბები

ამავე რუბრიკაში

ვაკანსიები მთაში

თავში